→ كل الأدوات
أدوات عامة

فك وترميز Base64

حوّل النص العربي أو أي ملف لـ Base64، أو فك Base64 ورجّعه نص أو صورة أو ملف. كل شي بصير جوّا متصفحك.

فك وترميز Base64

حوّل النص (حتى العربي والإيموجي) أو أي ملف لـ Base64، أو فك Base64 ورجّعه نص أو صورة. كل شي بصير جوّا متصفحك وما بيتبعت أي شي لأي سيرفر.

النص
الناتج بصيغة Base64

Base64 طريقة لكتابة أي بيانات (نص أو صورة أو ملف) بحروف إنكليزية وأرقام عادية، لتقدر تحطها بمكان ما بيقبل غير نص، متل كود HTML أو CSS أو JSON أو طلبات API. هالأداة بتحوّل النص العربي والإيموجي لـ Base64 وبترجّعه بدون ما يخرب الترميز، وبتحوّل أي ملف لحد 20 ميغابايت لـ Base64، أو بترجّع Base64 لملف وبتعرضلك الصورة قبل ما تنزّلها. وبتدعم صيغة الروابط (URL-safe) وبادئة data URI، وبتعرف نوع الملف لحالها.

كيف تستخدم الأداة؟

  1. اختار تبويب «نص» إذا عندك كلام، أو «ملف أو صورة» إذا عندك ملف.
  2. حدد الاتجاه: ترميز (لـ Base64) أو فك (من Base64).
  3. اكتب أو الصق النص، أو اختار الملف واسحبه، والنتيجة بتطلع لحالها.
  4. انسخ النتيجة بكبسة، أو نزّلها كملف.
خصوصيتك

كل التحويل بيصير جوّا متصفحك. النصوص والملفات ما بتنرفع لأي سيرفر وما منحفظ شي منها، وبتختفي أول ما تسكّر الصفحة.

أسئلة شائعة

شو يعني Base64؟

طريقة لكتابة أي بيانات بـ 64 رمز بس: الحروف الإنكليزية الكبيرة والصغيرة والأرقام و + و /. منستعملها لما بدنا نحط صورة أو ملف جوّا نص، متل صورة صغيرة جوّا كود CSS، أو ملف جوّا طلب API.

هل Base64 تشفير؟ بيحمي بياناتي؟

لا. Base64 ترميز مو تشفير، وأي حدا معه النص بيقدر يفكه بثانية. لا تعتمد عليه لتخبي كلمات السر أو أي معلومات حساسة.

ليش لما فك Base64 بيطلع النص رموز غريبة؟

غالباً لأن الـ Base64 أصلاً لملف مو لنص (متل صورة أو PDF)، أو لأن النص الأصلي مو مكتوب بترميز UTF-8. الأداة بتفك على UTF-8 فالعربي بيطلع صح، وإذا كانت النتيجة ملف بتقلك نوعه وبتخليك تفتحه كملف وتنزّله.

كيف حوّل Base64 لصورة؟

روح على تبويب «ملف أو صورة» واختار «Base64 ← ملف»، الصق النص (مع data:image بأوله أو بلاها) واكبس «حوّل لملف». بتشوف الصورة وبتقدر تنزّلها.

كيف حوّل صورة لـ Base64 لحطها بـ HTML أو CSS؟

من تبويب «ملف أو صورة» اختار الصورة، وفعّل خيار «مع بادئة data URI». بيطلعلك نص بيبلّش بـ data:image وبتحطه مباشرة مكان رابط الصورة.

شو الفرق بين Base64 العادي وصيغة الروابط URL-safe؟

صيغة الروابط بتبدّل + بـ - و / بـ _ وبتشيل = من الآخر، لأن هالرموز إلها معنى بالروابط. بتلاقيها كتير بـ JWT وروابط التطبيقات. وقت الفك الأداة بتقبل الصيغتين لحالها.

ليش حجم Base64 أكبر من الملف الأصلي؟

لأن كل 3 بايتات بيصيروا 4 حروف، يعني الحجم بيزيد تقريباً الثلث. ملف 300 كيلوبايت بيصير حوالي 400 كيلوبايت Base64.

في حد لحجم الملف؟ وهل بيترفع لسيرفر؟

أكبر حجم 20 ميغابايت للملف، لأن التحويل كله بيصير بذاكرة متصفحك. وما في شي بيترفع لأي سيرفر.

محرر HTML وCSS وJS مع معاينة حية

اكتب HTML وCSS وJavaScript وشوف النتيجة فوراً، أو الصق ملف كامل وجرّبه،…

جرّبها ←

مولد QR Code

حوّل أي رابط أو نص لرمز QR ونزّله كصورة، بدون رفع أي…

جرّبها ←

تحويل الفيديو إلى صوت

استخرج الصوت من أي فيديو كملف MP3 أو WAV، مع قص الجزء…

جرّبها ←